Lífið í Ástralíu

Þegar ég byrjaði að blogga fyrir nokkrum mánuðum átti ég ekki von á að dýralífið í Ástralíu yrði aðalumfjöllunarefnið. Í dag kynntist ég alvöru sporðdreka í fyrsta sinn. Reyndar var hann ósköp lítill og hafði þegar verið veiddur í plastglas. Ég ákvað að ég ætlaði að reyna að komast hjá frekari kynnum. Svo í dag var ég að keyra í "bæinn" þegar ég sá frekar stóra kind vera teymda yfir götuna. Þegar nær dró sá ég að væri þetta kind þá væri hálsinn frekar langur. Þetta var sumsé lamadýr! Hver á lamadýr sem gæludýr?

Þær frábæru fréttir er héðan frá okkur að loftkælingin ákvað að virka ekkert meira. Ég sit því með viftu í fanginu og læt vindinn blása hár mitt í þessa fínu 80´s hárgreiðslu, vængir og alles. Vonandi fáum við mann til að líta á kerfið hér og koma því lag á morgun.