Lífið í Ástralíu

Þetta blogg lýsir lífi mínu frá því ég flutti til Ástralíu í mars 2005. Ég hef búið í Cobar í NSW, Cairns í QLD og nú í Mt Gambier SA. Á þessum tíma hef ég líka eignast börnin mín, Arinze og Rósu.

föstudagur, nóvember 28, 2008

 

Rétt slepp...

Hvar byrjar maður blogg eftir næstum tvo mánuði með tilheyrandi hamfarafréttum upp á næstum hvern dag?

· Aðal pæjan hún Rósa varð eins árs í nóvember og var að sjálfögðu haldið upp á það með pompi og prakt. Þar voru allir glaðir og reifir, ánægðir með krókódílakökuna og allt dótið. Það er að segja allir nema Rósa sjálf sem var í sínu versta skapi á ævinni. Grenjaði á suma gestina og vildi bara hanga á handlegg móður sinnar. It´s my party and I cry if I want to hefði hún sungið ef snuddan hefði ekki verið á sínum stað.

· Þessi sama aðal pæja heimilisins er nú líka byrjuð á leikskóla á fimmtudögum eins og stóribró. Hún er búin að fara tvisvar og var seinna skiptið mikil framför frá því fyrra. Það verður seint sagt að Rósa mín sé skaplaus.

· Foreldrarnir hafa verið duglegir við að vanrækja börnin í nóvember. Okezie fór í hálfgerða fyllerísferð til Townsville með rugbyfélögum sínum. Þar var fyrsti leikurinn í heimsmeistarmótinu í rugby spilaður. Eitthvað voru félagarnir skrautlegir, t.d. þá komst einn ekki á leikinn sökum drykkju og annar ældi alla leiðina heim daginn eftir. Sem betur fer var minn maður ekki annar þessara. Aðra helgi fór hann svo til Sunshine Coast sem er nálægt Brisbane á námskeið og svo sendi hann húsmóðurina í orlof til Gold Coast sem er líka nálægt Brisbane. Það var útskriftargjöfin mín (útskrifast reyndar ekki fyrr en í mars). Þar var ég á fjögurra stjörnu spa hóteli sem var mjög ljúft þó Gold Coast hafi reyndar verið Cold Coast meðan ég var þarna, rigning og bara 20 stig. Ég var ekki einu sinni með jakka eða síðar buxur með mér enda á ég ekki svoleiðis (reyndar á ég galla buxur en hef bara notað þær á köldu bókasafninu). Þetta var í fyrsta sinn sem ég sef án barnanna. Einu næturnar sem ég hef verið án Arinze voru þegar ég var á spítalanum að eiga Rósu. Þó það væri mjög notalegt að fara í burtu var enn betra að koma heim.

· Nú er ‘wet season’ byrjað hér með tilheyrandi hita og bleytu. Síðustu daga hefur hitinn verið 34-35 gráður og mikill raki verið í lofti. Akkúrat í augnablikinu er svo þrumuveður. Á þessum tíma ganga oft hitabeltisstormar yfir (cyclone) og hefur því verið spáð að þeir verði margir þetta árið vegna óvenju hás hita sjávar. Við höfum aldrei lent í hitabeltisstormi en nokkrum mánuðum áður en við fluttum hingað þá eyðilagði stormurinn Larry alla bananauppskeru svæðisins og mjög mikið af eignum.

· Ok, held þetta sé allt. Arinze er bara hress og kátur og ekkert sérstakt af honum að frétta sem ég man. Set inn myndir frá afmælinu.

Fjölskyldumynd. Það er náttúrulega ekki séns að taka mynd þar sem allir líta í myndavélina á sama tíma, hvað þá brosa.
Amrita, Sukhmani, Alec, Jarred, Amber, Felicity, Mya, Monica o.fl.
Gleymdi að taka almennilega mynd af krókódílakökunni, snuddan var tekin úr fyrir kökuna.

Comments:
Til hamingju Rósa afmælisbarn og þið öll. Yndislegt að fá að fylgjast með lífinu hjá ykkur í "Ástalífi" Knús og Gleðileg jól frá okkur í kotinu. Magga Möttumamma
 
Hæ hæ Þórhildur!
Ég veit ekki hvort þú manst eftir mér, en ég var með þér í ML, líklega er ég árinu eldri en þú ef ég man rétt:-). Það er ekkert smá gaman að lesa um ykkur þarna úti og mikið dáist ég að þér/ykkur, að fara bara svona út á vit ævintýranna go láta drauminn rætast (ég býst við að þetta hafi verið draumur!!!. Börnin ykkar eru ekkert smá falleg!
Ég var að spá, þar sem ég finn ekki netfang hjá þér, hvort þú væri til í að senda mér línu á mdogg@simnet.is? Heyrumst vonandi! Gleðilegt nýtt ár og hafðu það sem best!
Kveðja Dögg
 
Skrifa ummæli

<< Home
|

This page is powered by Blogger. Isn't yours?